Gilles Simeoni explique les raisons de la rupture avec François Tatti
(A redazzioni d'Alta Frequenza) - Gilles Simeoni s'hè spressu infini dopu à u so cumunicatu di luni induva, cù Jean Louis Milani è Emmanuelle de Gentili, avia sceltu u divorziu cù François Tatti. Da tandu, i cosi sò divintati torna più pessimi, cù a dumanda fatta da quattru di i cinqui merri di a CAB à François Tatti di demissiunà di a presidenza di l'istituzioni, ss'ultimu dicendu ch'ellu hè prontu à falla s'è Gilles Simeoni duvia renda u so mandatu di merri di Bastia pà pudè urganizà alizzioni novi, com'ella a dici l'uppusizioni. Di fattu, u merri di Bastia stima ch'ellu c'hè un suspettu dipoi parechji mesi di François Tatti, par asempiu à u nivellu di u cartulari di i finanzi di a merria è di a CAB, u cartulari di i finanzi di a CAB essendu u più caldu, postu chì u bughjettu di l'istituzioni devi essa vutatu à a mità di u mesi d'aprili, ciò chì pari essa micca bè ingaghjatu. In più di què, Gilles Simeoni hà fattu sapè chì nanzi à i dipartimintali, François Tatti hà ricusatu di firmà l'accordu pà pudè stabiliscia pusizioni cumuni à u nivellu dipartimintali.
Steti à senta à Gilles Simeoni.
Sur le même sujet
