Gilles Simeoni persiste et signe : la langue du peuple corse est le corse !
(A redazzioni d'Alta Frequenza) - Gilles Simeoni era l'invitatu d'Europe 1 stamani (ghjovi) pà rivena nant'à a pulemica ch'ùn compii più dipoi una sittimana, è ancu di più dipoi arisera dopu à a pusizioni più cà chjara di u guvernu nant'à i rivindicazioni di l'eletti corsi à u pianu linguisticu. Com'è Ghjuvan Guidu Talamoni, Gilles Simeoni hà dittu chì "a lingua di a Ripublica francesi hè u francesi, a lingua di u populu corsu hè u corsu". U prisidenti di l'esecutivu di Corsica hà ancu dichjaratu chì "ci vò à sorta da i pusizioni caricaturali chì cercani à spavintà a ghjenti" è soprattuttu "ùn ci vò micca à oppona i lingui". Pà Gilles Simeoni, ci vularà oramai à discorra è truvà una suluzioni chì "a quistioni chì si poni oghji hè: "saremu capaci- è a vulemu- à truvà un'urganizazioni pulitica è amministrativa chì parmittissi à i lingui di campà è d'essa aduprati senza diffarenza?".
Sur le même sujet
