Gourault/Simeoni : la Corse pourrait s'inscrire dans la révision constitutionnelle
(A redazzioni d'Alta Frequenza) - Un scontru pusitivu ! Dopu avè scuntratu à Jacqueline Gourault, ministra pà u ministru di Statu, ministru di l'Internu è oramai "Madama Corsica" di u guvernu, i presidenti Talamoni è Simeoni sò suddisfati d'una manera glubali. Ci voli à firmà prudenti di sicuru, ci hà da vulè ad amintà da quì à calchì mesi i cartulari pricisi di i prighjuneri o di a cuufficialità, ma a vulintà di dialogu saria quì. Duranti l'intrattenu di guasgi dui ori in u Grand Hôtel, s'hè ancu parlatu di a futura revisioni custituziunali francesi è di a manera pà a Corsica d'integrassi à quissa quì. Gilles Simeoni hè vultatu pà contu soiu dinò nant'à ssu cartulari di revisioni custituziunali à u nivellu naziunali, è nant'à u travaghju di cuncertazioni chì si duvarà apra trà a Corsica è Parighji. Un travaghju chì hà da cuntinuà cù u scontru trà a maghjurità tarrituriali è u Prima ministru u 22 di ghjinnaghju, prima di scuntrà à Emmanuel Macron à u mesi di farraghju. Ùn firmà bluccati nant'à picculi infrasati o punti di blucchimi, ma scrivasi bè inde una dimarchja pulitica maiò è ingaghjata, cù un mandatu elettivu forti, eccu ciò ch'ellu hà dittu par asempiu Gilles Simeoni.
Eccu l'intervista di u presidenti di l'Esecutivu di Corsica.
