Grande braderie d'Ajaccio : la participation des associations de commerçants
(A redazzioni d'Alta Frequenza) - Lanciamentu di a siconda grandi vendita di a cità d'Aiacciu : sarà urganizata da u 21 fin'è u 23 d'aostu in tutta a cità. U scopu di sicuru hè di prupona affari è idei boni pà ssu mumentu à mezu à a fin di i vacanzi è a riintrata, ma dinò di metta in ballu un'azzioni pà risponda "di manera cuncreta à i prublematichi liati à u centru di a cità". Dà torna un'attrattività à ssu cori di patrimoniu è di cultura pà rinviviscia dinò u so cumerciu, una prublematica glubali ch'elli provani à risolva à tempu a CCI, l'associ di cumircianti è u novu manager di u centru di a cità. L'associ di cumircianti ani vulsutu ghjustu appuntu risponda à ssa chjama. S'è l'annu scorsu, u cumitatu di u carrughju di u Borgu era u solu prisenti, altri gruppi sò nati da tandu : triangulu d'oru - piazza Abbatucci - cori cità.
Un'ambizioni chì faci propiu piacè à Rita Beveraggi, presidenti di u cumitatu di i cumircianti di u carrughju di u Borgu in Aiacciu.
