Grande manifestation pour l'amnistie des prisonniers politiques cet après-midi à Ajaccio
(A redazzioni d'Alta Frequenza) - Hè dunqua dopu meziornu (sabbatu) à 2 ori, piazza di a gara in Aiacciu, chì ci sarà a grandi manifistazioni urganizata da l’Associu Sulidarità pà dumandà l’annistia di i prighjuneri pulitichi. Un slogan pà ssa mubilisazioni : « Hè ghjunta l’ora di fassi senta », o a brama di veda spuntà un’unioni pupulari larga in carrughju cù com’è unica parolla maestra « Annistia » chì rimbubaria fin’è Parighji. Di pettu à l’attitudini di sarratura di u guvernu nant’à ssu prublema, u populu corsu sanu devi parlà d’una voci sola, dici l’Associu Sulidarità, chì hà ricivutu u sustegnu di più di 100 entità di a sucità civili, sindicati, partiti pulitichi, associ è attori culturali di Corsica è d’altrò.
Steti à senta à Ghjuvan Maria Poli, u presidenti di l’Associu Sulidarità.
Sur le même sujet
