Grande manifestation revendicative et festive pour Parlemu Corsu le 24 mai à Ajaccio
(A redazzioni d'Alta Frequenza) - U cullettivu Parlemu Corsu, chì si batti dipoi parechji anni oramai à prò di a cuufficialità di a lingua corsa è a nascita di una sucità bislingua, urganizarà u 24 di maghju una nova manifestazioni di trinca. In fatti, parechji decini d'artisti sarani prisenti annant'à a scena di a piazza di u Diamanti in Aiacciu ssu ghjornu quì pà un spittaculu rivindicativu, cù umoristi, cumedianti è parechji cantadori è gruppi da l'anni 70 fin'è oghji. Prima di què, un'adunita larga si farà à trè ori è mezu davanti a prifittura pà lampà una chjama à u Statu è dumandà più cà mai a cunfirmazioni da i so istanzi di u votu maghjuritariu di l'Assemblea di Corsica pà a cuufficialità di a lingua corsa. U cullettivu Parlemu Corsu chjama dunqua à una mubilisazioni maiò di a cumunità isulana, com'ellu a ci dici Micheli Leccia.
Steti à senta à Micheli Leccia.
Sur le même sujet
