Grève à la Chambre d'Agriculture 2A
(A redazzioni d'Alta Frequenza) - Ci hè a greva oghji (luni) à a Camara d'Agricultura di Corsica Suttana, una situazioni chì ùn s'era più vista dipoi un pezzu, più di deci anni à u minimu. L'intersindicali STC, CFDT CGT di a camara dumanda chì un ambiu di cunfidenza sighi di ritornu da ricrià rilazioni suciali boni pà l'intaressi d'ognunu. Pari chì l'intratteni chì si tiniani prima ogni annu trà i salariati è a direzzioni, è rilativi à u sfilà di i carrieri ùn sighini micca stati rializati, è què và à l'incontru di l'accordi naziunali attuali. Cunsiquenzi nant'à a revisioni di a scheda di l'indizii di paghi sò ben'intesi inghjinnati, una scheda chì ùn hè più in rilazioni oghji chì hè oghji cù u costu di a vita.
Écoutez Gustave Tallarico pour l'intersyndicale.
Sur le même sujet
