Grève ce jeudi dans l'ensemble de la fonction publique
(A redazzioni d'Alta Frequenza) - Ghjurnata d'azzioni unitaria issu ghjovi inde tutta a funzioni publica, à a chjama di a CGT, di a FSU è di Solidaires. I sindicati, in zerga di pettu à i speri vani di una vera ecunumia rilanciata prumessa da François nanzi à a so alizzioni, dumandani à u Statu di dà à a funzioni publica i capacità d'agiscia pà migliurà a qualità di i servizii resi à l'usadori, migliurendu à tempu i cundizioni di travaghju è i paghi di l'agenti. In Corsica, dui aduniti sò stati urganizati davanti à i prifitturi di Bastia è d'Aiacciu. Emi scuntratu u secretariu ghjinirali di a FSU di Corsica Suttana, Gérard Galeardi. Iss'ultimu hà parlatu frà altru di u prublema di i criazioni di posti, sempri di sottu di pettu à i prumessi furmulati à l'ora di l'ultimi prisindiziali, malgradu calchì sforzu custatatu da u cantu di i settori di l'Educazioni naziunali è di a ghjustizia.
Écoutez Gérard Galeardi.
Sur le même sujet
