Grève et mobilisation unitaire dans la fonction publique ce jeudi
(A redazzioni d'Alta Frequenza) - A CGT, FO, a CFDT, a FSU è l'UNSA chjamani à fà greva è à mubilizà si in tutta a funzioni publica pà ssu ghjovi u 15 di maghju, cù par asempiu un'adunita chì sarà urganizata ssu ghjornu quì à 10 ori davanti a prifittura d'Aiacciu. Pà i sindicati, u guvernu ùn voli micca senta l'esigenzi di i travaghjadori in materia di paga è d'impiecu publicu. Ss'ultimi si volini alzà par asempiu contr'à u fattu ch'ellu ùn criscissi più u puntu d'indiziu di tutti i funziunarii, qualsiasi u so statutu, contr'à i suppressioni d'impiechi ma dinò è soprattuttu contr'à a distruzzioni metodica à parè soiu di u serviziu publicu. Una manifestazioni di più pà pruvà à fà cambià l'affari, è pà fà passà un missaghju in particulari pà ciò chì tocca a Corsica : l'isula, par via di i so specificità, t'hà forsa bisognu di più cà in altrò di u serviziu publicu.
Steti à senta à Jean Claude Vesperini, pà FO Finanzi, ma dinò pà l'uccasioni raprisitendu tutti i sindicati.
Sur le même sujet
