Grève SNCM : les demandes de Femu a Corsica
(A redazzioni d'Alta Frequenza) - Si parla torna di a SNCM cù a pusizioni di Femu a Corsica. U muvimentu stima chì aldilà di u prublema cunghjunturali di u blucchimi, chì ùn pò più essa accittatu oghji, "si custata ch'ellu si ghjunghji à i limiti di a pulitica di i trasporti, rializata dipoi un tempu troppu longu". Femu a Corsica pruponi "di riveda u dispusitivu di cuntinuità tarrituriali vechju di quaranta anni". Una cuntinuità tarrituriali chì hà resu dipindenti a Corsica "di u cuntinenti francesi, tagliendu ci da i nostri liami cumirciali, suciali è culturali mediterranei". U muvimentu pruponi di cambià di mudellu grazia à un'integrazioni "aurupea è mediterranea". Annant'à u cunflittu stessu, Jean Christophe Angelini a cunfirmeghja, a Corsica ùn si pò più lacà strangulà torna.
Steti à senta i spiecazioni di Jean Christophe Angelini.
Sur le même sujet
