Grève SNCM : Manuel Valls annonce la mise en place de différentes mesures
(A redazzioni d'Alta Frequenza) - I marosuli marsighjesi è corsi ani ricullata a Seine oghji (marcuri) fin'è l'assemblea naziunali à l'uccasioni di a tradiziunali seenza di i quistioni à u guvernu. In fatti, Camille de Rocca Serra hà vulsutu pona dumandi assai pricisi à u Prima ministru annant'à l'evuluzioni di u cunflittu di a SNCM. U diputatu di Corsica Suttana hà rigrittatu cun amarezza u metudu di i forzi di l'ordini nentru à a prifittura di Bastia pà lampà fora i socioprufiziunali, vennari scorsu. Hà dumandatu dinò à Manuel Valls di pighjà misuri cuncreti à metta in ballu pà sustena l'ecunumia corsa. U Prima ministru hà dittu torna una volta cù forza ciò ch'ellu pensa annant'à l'avvena di a SNCM. L'adirizzamentu ghjudiziariu hè par ellu a sola suluzioni pussibuli pà pruvà à salvà una parti impurtanti di a cumpagnia. Pà ciò chì tocca u mantenimentu di u statu di dirittu, hà accertatu chì u guvernu pighjarà tutti i misuri da fà ch'ellu piantessi u blucchimi di i porti è di i battelli. Ùn hà micca datu ditagli in più à u nivellu di a natura pricisa di ssi misuri, ma ci voli à rammintà chì ssu puntu particulari hè a rivindicazioni maestra di i socioprufiziunali di l'isula.
Steti à senta à Manuel Valls.
Sur le même sujet
