Grèves à répétition dans le maritime : les inquiétudes des professionnels de l'industrie touristique de Corse
(A redazzioni d'Alta Frequenza) - L'Union des Métiers et des Industries de l'Hôtellerie Corse, ma dinò altri urganisazioni com'è a CGPME Corsica, a Fédération Corse de l'Hôtellerie de Plein Air, i Gîtes de France, a FNEAPL o ancu Strada Corsa tiniani stamani (marti) una cunfarenza di stampa davanti à l'Uffiziu di i Trasporti di a Corsica in Aiacciu. Quissi quì ani vulsutu fà cunnoscia u so timori di pettu à i grevi à ripetizioni ind'u trasportu maritimu pà issu principiu di staghjoni 2013 assai difficiuli par avà. L'urganisazioni dicini ch'elli ùn supportani più di subiscia "l'abusi di una minurità" chì ùn si rendini micca contu di i "cunsequenzi di i so atti, è inghjinnendu un preghjudiziu impurtanti pà tutta l'ecunumia isulana". Urganisazioni chì dinunziani dinò u rinculu di l'Esecutivu di a CTC chì avia dittu di sì solu à un "serviziu suciali è sulidariu" mentri ch'ellu avia prumessu un "accordu d'intrapresa trà i sindicati è i cumpagnii pà assicurà un serviziu guarantitu". Cunsighjeri righjunali invitati da l'urganisazioni à rifletta bè nant'à u votu di u testu pà a prossima Dilegazioni di Serviziu Publicu ingaghjendu u trasportu maritimu di l'isula pà 10 anni.
Ecoutez Agathe Albertini, président de l’UMIH de Corse.
Sur le même sujet
