Grogne des socioprofessionnels corses : l'appui du président de la Chambre des métiers 2A
(A redazzioni d'Alta Frequenza) - C'hè stata calchì ghjornu manifistazioni di scuntintezza davanti à l'URSSAF d'Aiacciu : quilla di i socioprufiziunali è artisgiani corsi, aduniti nentru à u cullittivu Dumane da Fà. Una mubilisazioni pà dinunzià "un eccessu di l'URSSAF di Corsica", ma dinò a crescita di i difficultà di l'intrapresi corsi, l'inchietudini forti cuncirnendu "una staghjoni turistica chì s'annunzia dighjà com'è guasgi persa ma dinò un mali tamantu di pettu à u disimpiegu propiu impurtanti in Corsica, è u silenziu "traputenti annant'à u statu dramaticu di l'ecunumia corsa da a parti di i puteri publichi". Una chjama hè stata lampata par chì una riunioni sighi urganizata da quì à pocu in Parighji diretta da u guvernu, cù u sustegnu di i camari cunsulari, pà trattà tutta a prublematica. Socioprufiziunali accumpagnati da u presidenti di a Camara di i mistieri di Corsica Suttana, François Gabrielli, chì hà sustinutu tutti i so rivindicazioni.
Steti à senta à François Gabrielli.
