Gros plan sur le PEFC, le programme européen des forêts certifiées
(A redazzioni d'Alta Frequenza) - U PEFC hè un prugrammu aurupeu di i furesti certificati. Ghjuntu in Francia in u 1999, ma chì dipendi di un'urganisazioni internaziunali chì stà in Ginevra, quissu quì t'hà pà scopu di fà cunnoscia, à traversu una gistioni ghjusta è durevuli di a Furesta, un'utilisazioni à longu andà di a materia tinendu à tempu tuttu l'aspettu vegetali è a biodiversità liata. Dighjà prisenti inde 35 paesi, u PEFC hè a prima fonti di legnu certificatu in Francia è ind'u mondu, adunisci in Francia 52 000 pruprietarii di furesti è più di 2 600 parsoni di a filiera furesta legnu. A Corsica, cù i so 51 000 ettari di furesti tarrituriali è i 5 000 ettari di furesti privati dighjà prisenti ind'a dimarchja, entra in forza inde issu sistema è si pò scummetta chì u muvimentu ùn hè ancu à compia. U cartulari cumplettu di issu prugrammu dedicatu à a furesta corsa hè statu prisintatu arimani (luni) nant'à u scagnu di Paul Giacobbi da Daniel Luccioni, presidenti di PEFC Corse.
Ecoutez Daniel Luccioni.
Sur le même sujet
