Gros plan sur le Service Public Régional d’Orientation
(A redazzioni d'Alta Frequenza) - U S.P.R.O, ci vularà à avvizzassi à ssu tarmini, hè statu prisintatu arimani (ghjovi) à l'Assemblea di Corsica. Una cunvenzioni hè stata signata trà u Statu, a CTC è l'Accademia di Corsica, pà metta in ballu ind'i fatti u Serviziu Publicu Regiunali d'Urientazioni. À partasi d'oghji, pocu impremi l'età, a situazioni, in furmazioni, in inserzioni, in impiegu, tutti i dumandi d'urientazioni passarani pà ssu serviziu unicu, chì adunisci tutti l'urganisimu utuli à l'urientazioni, à l'inserzioni prufiziunali è à l'impiegu. Fin'è avà in fatti, ognunu travaghjava da u so cantu appena in materia d'urientazioni, ch'ella sighi in culleghju, in liceu, o ancu ind'a vita prufiziunali. Oramai, tutti i strutturi d'urientazioni, ben intesu, cuntinueghjani à viaghjà, ma a farani in cullaburazioni stretta è, hè a nuvità maiò, sottu a direzzioni di a Cullittività Tarrituriali di Corsica.
Steti à senta à Christophe Mirmand, chì hà signatu ssu ghjovi ssa cunvenzioni pà u Statu cù l'Accademia di Corsica è a CTC.
