Guy Orsoni : la chambre de l'instruction dit NON
(A redazzioni d'Alta Frequenza) - A camara di struzzioni d'Ecchisi hà ricusatu oghji (ghjovi) l'appellu furmulatu da l'avucati di Guy Orsoni, purtendu nant'à un primu ricusu di dumanda di missa in libertà. Ùn hè dunqua micca andata à prò di i dumandi di i cunsighji di u ghjuvanottu, chì hè in greva di a fami dipoi più di 50 ghjorni, è di u quali u statu di saluta hè più cà gravi. Avucati chì ani da dumandà oramai à u so clienti di piantà a so greva di a fami, assai inchieti pà a so vita. A ghjustizia, rindarà a so dicisioni d'altrondi, dumani, nant''à u rinnovu o micca di u mandatu di dipositu di Guy Orsoni. Mandatu chì compia u 14 d'aprili, dopu à un annu sottu à i marchjoni. Una cunfruntazioni trà u missu in asamini è ministeru publicu di Marseghja s'era tinuta in principiu di settimana, ind'a prighjoni di i Baumettes, da trattà di issu fattu quì.
Sur le même sujet
