Hausse des demandeurs d'emplois : En Corse aussi !
(A redazzioni d'Alta Frequenza) - U numaru di parsoni scritti ind'è Pôle Emploi à a fin di u mesi di marzu quist'annu hè di 14 806 in Corsica. Si tratta bè di a categuria A, vali à dì di i parsoni scritti chì ùn ani travaghjatu mancu appena duranti u mesi. S'è no aghjustemi i categurii B, quilli chì ani travaghjatu à u minimu 78 ori, è C, quilli chì ani travaghjatu più di 78 ori, sempri duranti u mesi di marzu, u sciffru colla à 17 511 parsoni. S'è no aghjustemi torna quilli chì cercani un impiecu ma chì ùn sò micca scritti ind'è Pôle Emploi pà parechji raghjoni, u sciffru passa à 20 717 parsoni. Un sciffru impurtanti dunqua, chì trapassa di una cintina di parsoni, quillu di u mesi di farraghju ma guasgi di 2000 quillu di marzu di u 2012. S'è pà a Francia sana a variazioni nant'à un annu è di 11,5%, hè di 12% ind'è noi, sempri pà a categuria A. Da nutà chì l'omi sò tocchi di più cà i donni inde issa crescita di u disimpiecu - 14% di più pà i primi, 10% di più pà i sicondi. A categuria a più tocca hè quilla di l'omi chì t'ani più di 50 anni: 14% di più - suvitata da vicinu da quilla di i ghjovani di menu di 25 anni: 17% di più.
Antoine Peretti, directeur de Pôle Emploi.
