Hôpital d'Ajaccio : sur les bon rails !
(A redazzioni d'Alta Frequenza) - Uspidali d'Aiacciu ! A migliurazioni vera di a situazioni finanziaria, ma micca solu, di u stabilimentu hè effettiva infini. L'amministrazioni pruvisoria di a Miséricorde, in postu dipoi dui anni oramai, era u prima d'aostu di u 2012, hà prisintatu arimani (marcuri) u so bilanciu, è quissu quì hè bonu, ciò chì faci piacè à tutti. Hè cusì bonu chì à partasi di dumani u 1a d'aostu, l'uspidali d'Aiacciu ritruvarà un gennaru di funziunamentu "nurmali" cù a presa di funzioni di un direttori. Ùn voli micca dì chì a missioni di l'amministratori ginirali si piantarà dumani, s'hà da prulungà fin'è a fin di l'annu pà pudè sustena a nova guvernenza. Senza vulè vultà annant'à un cuntestu suciali assai migliuratu, si pò dì chì a situazioni finanziaria hè crisciuta daveru in bè parchì ci avvicinemi oghji da u ritornu à l'equilibriu finanziariu. Un uspidali attuali rimissu à nivellu, un prughjettu di stabilimentu novu missu in anda, u travaghju rializatu in dui anni hè statu maiò è Dominique Acker hè stata una di l'artisgiani di ssa vera resurezzioni.
Steti à senta à Dominique Acker.
