Imbroglio à la direction de l'OEHC : Emmanuelle de Gentili prend position
(A redazzioni d'Alta Frequenza) - Dipoi u 13 di farraghju, c'erani dui direttori inde l'Uffiziu Idrolicu di a Corsica, Jean Michel Palazzi è Ange de Cicco, ss'ultimu essendu statu riintegratu à ssa data quì cù un arrestu di u cunsighju esecutivu di a Corsica dopu avè vintu davanti u tribunali amministrativu in seguita à u so disimpiegu di marzu di u 2013, un affari chì era statu inghjinnatu da una greva di i parsunali contr'à a so manera di gistiscia. Ma si pò dighjà parlà à u passatu, postu chì ssu marcuri, u presidenti di l'Esecutivu, Paul Giacobbi, hà suspesu torna à Ange de Cicco grazia à un arrestu senza avè adunitu prima u Cunsighju Esecutivu par via d'appressu à ellu di u "risicu subbitu di prublemi suciali gravi" chì u ritornu d'Ange de Cicco avaria pussutu inghjinnà. Ssu ghjovi, Emmanuelle de Gentili, a presidenti di u cunsighju d'amministrazioni di l'Uffiziu, hà vulsutu sorta da a so riserva pà dumandà di circà una suluzioni trà i dui parti, assicurendu à Ange de Cicco d'avè una classifica nova inde l'amministrazioni tarrituriali à l'altezza di u so nivellu. Emmanuelle de Gentili hà insistutu da un'antra banda annant'à a so voglia di scuntrà à Paul Giacobbi u più prestu pussibuli annant'à ssu sughjettu, postu chì li si pari chì ss'arrestu di suspensioni hè statu scrittu da a sola vulintà di u presidenti di l'Esecutivu.
Steti à senta à Emmanuelle de Gentili.
Sur le même sujet
