Impôts locaux et trésor public : la CGT de Haute-Corse en colère
(A redazzioni d'Alta Frequenza) - A CGT di Corsica Suprana hà urganizatu ssu marti una cunfarenza di stampa ind’è a direzzioni di i finanzi publichi di Corsica Suprana. Un locu sceltu par amintà dui prublematichi. A prima cuncerna l’impositi lucali. Malgradu un rinculu di u guvernu in principiu di sittimana, u mali hè fattu sicondu a CGT, postu chì guasgi 3 000 casi chì ùn ani mai pagatu l’impositi lucali a duvarani fà oramai. È ancu s’è una parti di quissi quì ùn avarà micca à pagalli pà dui anni torna, l’inchietudini hè stata prisenti, è par quilli chì ani dighjà datu a so piccula cuntribuzioni, u rimbursamentu pudaria intarvena tardi. Un episodiu chì metti in avanti, sicondu a CGT, l’inghjustizia fiscali in Corsica, induva sicondu i sciffri prisintati da u sindicatu, i socioprufiziunali, grazia à u CICE è altri crediti d’impositu, avariani toccu più di cinquanta millioni d’auri in dui anni. Cuncirnendu a DGFIP, ci sarà una greva naziunali u 18 di nuvembri, è in Corsica Suprana, tuccarà servizi chì ùn cunnoscini micca u so dumani d’appressu a CGT, par via par asempiu di a cullittività unica.
Steti à senta à Jean Pierre Battestini.
Sur le même sujet
