Inauguration d'une nouvelle gare routière et extension cargo du port d'Ajaccio
(A redazzioni d'Alta Frequenza) - A nova gara stradali è l'allarghera cargo di u portu d'Aiacciu sò stati inaugurati à a fin di a settimana scorsa. Purtendu u nomu di Jacques Nacer, u presidenti di a CCI tombu in u 2012, ssi dui strutturi participeghjani à a riurganisazioni di modu prufondu di u portu di a cità impiriali. Finanziati tutalmenti da a CCI, 3 millioni d'auri quantunqua, ssi stallazioni di 650 m2 parmettini oramai di cintralizà tutti i servizii liati à u marittimu portuariu; capitanaria, dugani, par asempiu, è d'aduniscia tutti i salariati di l'armatori pà i crucieri. Ci hè dinò nentru à u lucali novu una nova gara stradali ciò chì parmetti di libarà spaziu ind'u lucali principali di u Palazzu di i cungressi. Ss'inaugurazioni sò liati à a nova dilegazioni di serviziu publicu pà l'accunciamentu è a sfruttera di u portu di cumerciu, una dilegazioni attribuita da a Cullettività Tarrituriali di Corsica à a camara di cumerciu pà 30 anni.
Steti à senta à Antoine Mondoloni, presidenti di a CCI righjunali di Corsica.
Sur le même sujet
