Inauguration du barrage du Rizzanese: la satisfaction de Jacques-Thierry Monti
(A redazzioni d'Alta Frequenza) - Henri Proglio, u gran'patroni d'EDF, era oghji (luni) in Corsica pà l'inaugurazioni di u matrali di u Rizzanesi. Issa manifestazioni, privista à a fin di u mesi d'aprili, era stata annulata par via un'attualità dramatica. C'era assai mondu stamani, è assai soli pà inaugurà infini un'opara chì hà avutu un cartulari difficiuli ind'u tempu. Malgradu una ritinuta quantunqua assai mudesta, un millioni trè centu mila metri cubi, fendu u paragonu cù i 33 millioni di Todda, issu matrali hè divintatu u più putenti di Corsica cù 55 megawatts vali à dì a cunsumazioni di più di 30 000 casi. U Rizzanesi sarà mubilizatu à i mumenti di cunsumazioni i più alti, vali à dì da 9 ori à 1 ora è di 7 ori di sera à 10 di sera è parmittarà di passà senza prublema i tempi di cunsumazioni altissimi chì ani avutu in Corsica i cunsiquenzi ch'è no sapemi. Ùn hè micca l'opara di u solu Jacques Thierry Monti, ma hè dinò a soia; ci ni parla dunqua cù una certa emuzioni.
Ecoutez le directeur régional d'EDF.
Sur le même sujet
