Inauguration du laboratoire municipal de langue corse de Ville d'Ajaccio
(A redazzioni d'Alta Frequenza) - A Cità d’Aiacciu hà inauguratu ssu luni u laburatoriu municipali di lingua corsa. Rializatu in priurità pà a furmazioni di u parsunali municipali in appiecazioni di a cartula di a lingua corsa firmata cù a Cullittività Tarrituriali di Corsica, ss’arnesi pedagogicu sarà dinò apartu à l’intrapresi privati lucali è à u publicu sottu à a forma d’attelli. Ssu laburatoriu tuttu numericu hè cumpostu di sei posti infurmatichi d’elevi è d’un postu di prufissori. L’elevu travaghja cù un urdinatori, un cascu è un magnetofonu. U scopu hè di renda più faciuli l’accessu à a littura, a capiscitura è a sprissioni urali è scritta.
Steti à senta à Cristofanu Mondoloni, cunsighjeru municipali in carica di a lingua corsa in Aiacciu.
