Incendie à Bastelica
(A redazzioni d'Alta Frequenza) - Hè partutu un focu ssa dumenica dopu meziornu versu un'ora annant'à a cumuna di Bastelica, bocca di Menta. Un ettari di machja è di pini hè statu distruttu da i fiari. Parechji camiò di i spignifochi sò mubilizati, dui Canadair è un elicotteru chì lampa acqua agiscini dinò. Dui Tracker in più sò stati dumandati. Un focu chì ùn saria micca troppu viulenti, ma chì ferma assai difficiuli d'accessu.
