Incendie à Bastelica : la situation sous contrôle
(A redazzioni d'Alta Frequenza) - U focu di Bastelica, partutu ssu vennari à sera, hè statu ammaistratu in mità di dopu meziornu grazia à l'intarvinzioni di più di centu spinghjifochi di i dui dipartimenti, l'azzioni di dui Canadair ghjunti da Marignane è par via di un tempu più favurevuli chì hà aiutatu u travaghju di l'omi. Infini, sò guasgi 400 ettari chì sò partuti in pulvina. Ramintemi chì duranti l'intarvinzioni di a nuttata, cinqui spinghjifochi sò stati feriti, brusgiati à u sicondu gradu à i mani è in faccia, cù dui chì sò stati tocchi d'una manera propiu sivera. Trè veiculi d'intarvinzioni sò stati distrutti è un antru hà cunnisciutu disguasti. Da un'antra banda, s'è un'inchiesta hè stata aparta, l'ipotesi criminali saria quilla missa u più in avanti, di pettu à u fattu chì u focu hè statu accesu in cinqui parti sfarenti sopralocu. U presidenti di u SDIS di Corsica Suttana, Charles Voglimacci, hà fattu cunnoscia a so voglia di pona una lagnanza pà missa in periculu di i parsoni è distruzzioni di matiriali. (ritrattu : SDIS 2A)
Sur le même sujet
