Incendie dans un immeuble du cours Napoléon à Ajaccio
(A redazzioni d'Alta Frequenza) - Un focu hè partitu ssa dumenica appena nanzi à 11 ori à u quattriesimu pianu di un palazzu di u 53 corsu Nabuliò in Aiacciu. Pudaria essa un focu di cuntori. I spignifochi sò ghjunti in furia sopralocu. Dui parsoni, una donna incinta è un zitellu chjucu, tocchi da u fumu ma chì ani avutu soprattuttu assai a paura, sò stati presi in carica da i succorsi, è cacciati da u so appartamentu grazia à una scala. Ssu focu, chì hè spintu oramai, avarà inghjinnatu un bellu rimusciu nant'à u corsu Nabuliò, par asempiu pà ciò chì tocca a circulazioni.
Sur le même sujet
