Incendie de Tavera : la réaction de Laurent Marcangeli
(A redazzioni d'Alta Frequenza) - Dopu à u focu chì hà toccu a casa cumuna di Tavera, a scola ma dinò a posta, in a notti trà u 4 è u 5 di farraghju, u diputatu è merri d'Aiacciu hà vulsutu riagiscia. Laurent Marcangeli arreca u so sustegnu à Francis Raffali, u merri di Tavera è à tuttu u cunsighju municipali, ma dinò à tutti l'impiegati municipali è à l'abitanti di a cumuna. "A pista criminali si pricisaria, ed hè un attu intularabili nant'à u tarritoriu di u grandi Aiacciu. S'imponi una vera presa di cuscenza citadina. A distruzzioni di a "casa cumuna" hè un'uffesa à u 1a simbulu di a demucrazia, i disguasti assai impurtanti nant'à u gruppu sculari ani da penalizà di una manera durevuli i zitelli numarosi di u paesi è di i lochi à l'intornu, è tutti l'amministrati, postu chì servizi publichi numarosi erani prisenti in ssu casali", dici u diputatu è merri. "Spergu chì l'inchiesta parmittarà d'identificà in furia l'autori di ss'attu senza nomu chì offendi l'istituzioni chì facini a nostra Republica", compii Laurent Marcangeli in u so cumunicatu.
