Incendie en Corse-du-Sud
(A redazzioni d'Alta Frequenza) - Hè partutu un focu ssu sabbatu dopu meziornu trà Casaglione è Calcatoghju (Corsica Suttana), versu u locu dittu U Masorghja à un'ora. À pocu pressu un ettari di piccula machja è d'arba secca hè statu distruttu da i fiari. Sopralocu, c'hè più di una vintina d'omi di i spignifochi di u dipartimentu, mentri chì trè Canadair è un elicotteru chì lampa acqua agiscini da u celu. Ssu focu hè guasgi ammaistratu. Da un'antra banda, un spignifocu mubilizatu annant'à ss'intarvinzioni hè statu toccu da u fumu; hè statu presu in carica da i succorsi eppo purtatu à l'uspidali d'Aiacciu.
Sur le même sujet
