Incendie : grosse frayeur cette nuit dans l'immeuble Le Cézanne à Bastia
(A redazzioni d'Alta Frequenza) - Focu stanotti (dumenica à luni) in Corsica Suprana. Iss’ultimu s’hè dichjaratu versu trè ori menu deci, sottu à u primu pianu di u palazzu Le Cézanne in Bastia. U focu hè principiatu ind’una panatteria, è s’hè spargugliatu à quattru appartamenti sopra. Assai fumu hè statu sgaghjatu. Subbitu sopralocu, i servizii di succorsi ani fattu sbiutà u palazzu di una trintina di parsoni. Ancu di grazia, nimu hè statu feritu. Nant’à u situ, veiculi di spinghjifochi è ambulanzi, pulizza è squadri tennichi di a municipalità. À 4 ori è 42, u sinistru era ammaistratu. Nisun riallughjamentu hè statu fattu, parchì sicondu l’elementi racolti, a maiò parti di i parsoni hè pussutu vultà in casa soia, fora di i quattru appartamenti distrutti da u focu. L’abitanti si sò urganizati.
Sur le même sujet
