Incendies : 100 hectares parcourus à Vero, 80 à Bastelica
(A redazzioni d'Alta Frequenza) - A lotta cuntinueghja annant'à i fochi partuti ssa dumenica dopu meziornu in Corsica Suttana. In Veru, una centina d'ettari di vegetazioni hè stata parcorsa da i fiari, sicondu i stimazioni fatti da i spignifochi, 80 ettari in Bastelica. Annant'à ssi dui fochi, mezi umani numarosi sò mubilizati dipoi ssa dumenica, cù in più parsunali ghjunti da u cuntinenti è elicotteri Puma è Gazelle. À u nivellu di i mezi aerei, quattru Pélican, dui Tracker è un Dash travaghjani sopralocu.
