Incendies en Haute-Corse
(A redazzioni d'Alta Frequenza) - Dui fochi sò partuti guasgi à tempu ssu dopu meziornu (marcuri) versu 3 ori in Corsica Suprana. U più impurtanti, ind’E Valle di Rustinu, ind’a valli di u Golu, è difficiuli d’accessu, hà brusgiatu 15 à 20 ettari di vegetazioni mezana. 2 Tracker, 2 Canadair è 2 elicotteri chì lampani l’acqua intarvenini sopralocu cù mezi umani; u focu duvaria essa ammaistratu da quì à calchì ora, sicondu i spignifochi, postu chì i cundizioni meteurulogichi ùn sò micca gattivi. U sicondu s’hè dichjaratu nant’à a cumuna di Bastia, in Agliani di modu più pricisu. Una superficia trà 4000 è 5000 m2 hè stata parcorsa da i fiari. Camiò è un Tracker sò stati mubilizati ; ssu focu hè ammaistratu.
Sur le même sujet
