Incendies en Haute-Corse : les soldats du feu poursuivent leur travail sans relâche
(A redazzioni d'Alta Frequenza) - I suldati di u focu sò sempri mubilizati in Corsica Suprana pà falla finita cù i sfarenti fochi di u dipartimentu. In Barbaghju, a superficia distrutta da i fiari hè sempri di 520 ettari à pocu pressu. Dopu una survighjenza assicurata da 120 omi duranti a nuttata, sò più di 200 dipoi ssu sabbatu da mani in azzioni da fà ch'ella ùn ci fussi nisun ripresa impurtanti, appughjati da un elicotteru chì lampa l'acqua o ancu mezi aerei di a securità civli in più s'ellu ci voli. A strada dipartimintali 38 hè torna sarrata pà renda più faciuli l'azzioni di i succorsi sopralocu. In Fucichja, in u Centru di a Corsica, induva 45 ettari di machja sò stati calcinati, u travaghju di trattamentu cuntinueghja dinò, ma ancu in Lucciana induva dui fochi ani distruttu ssu vennari appena menu di 20 ettari di vegetazioni. (ritrattu : SDIS 2B)
Sur le même sujet
