Incidents en préfecture 2B: les socioprofessionnels 2A suspendent les discussions avec l'Etat
(A redazzioni d'Alta Frequenza) - Dopu à l'incidenti gravi accaduti arimani (vennari) in prifittura di Corsica Suprana, i socioprufiziunali di Corsica Suttana si sò aduniti stamani (sabbatu) pà asaminà a situazioni. Ani dicisu dopu à un'assemblea ghjinirali di cundannà cù forza l'atti di u Statu. Dunqua, ani dicisu di suspenda tutti i discussioni in corsu cù i raprisintanti di u Statu annant'à u cunflittu à a SNCM. Invitani tutti i capi d'intrapresi à aduniscia si luni à 10 ori ind'i camari di cumerciu. Ind'i camari di cumerciu d'Aiacciu è di Bastia, s'hà da suvità da vicinu u trafficu ind'i porti di l'isula pà ssa prima vera dumenicata di vacanzi. Una cinquantina di millai di passaghjeri sò aspittati in fatti in Bastia, guasgi 35 000 in Aiacciu, è u risultatu arrighjistratu à partasi di luni darà un'idea appena più pricisa di a situazioni in materia di trasporti marittimi.
Steti à senta à Antoine Mondoloni, presidenti di a Camara righjunali di Cumerciu è d'Industria.
