Incidents Nice-Bastia : la commission de discipline de la LFP se penche sur le dossier dès ce soir
(A redazzioni d'Alta Frequenza) - Hè stasera chì a cumissioni di disciplina di a Liga di Ballò Prufiziunali hà da studià u cartulari caldu di l'incidenti di a partita trà NIzza è Bastia sabbatu scorsa à l'Allianz Riviera. Ramintemi chì dopu à u scontru, u tarrenu hè statu invaditu da sustenidori nizzardi è chì ghjucadori è membri di u staff di u SCB sò stati agressati. A causa : una bandera corsa soca, alzata da u guardianu rimpiazzanti di u SC Bastia, Jean Louis Leca. U presidenti di a Liga di Ballò Prufiziunali hà dighjà cumunicatu annant'à ss'affari. Hà annunziatu ch'ellu spirava chì sanzioni pà l'asempiu sarani prununziati pà ss'affari, chì hè forsa a più grossa è a più pessima dipoi u principiu di u campiunatu. U club di l'OGC Nizza duvaria essa cundannatu, ma à chì gradu ? Misuri cunservatorii sarani appiecati ? U SC Bastia sarà cuncirnatu da i sanzioni ? I nizzardi cunsidareghjani chì u cumpurtamentu di Jean Louis Leca era una pruvucazioni. Tuccarà oramai à a cumissioni di disciplina di a Liga di Ballò Prufiziunali di dà u so parè stasera.
