Incidents SC Bastia - OM : prison ferme requise contre des supporters
(A redazzioni d'Alta Frequenza) - Dipoi u principiu di u dopu meziornu (marti), cinqui sustenidori di u SC Bastia trà 20 è 39 anni sò ghjudicati in passaghju subbitu da u tribunali di Bastia dopu à l'incidenti nanzi à a partita SC Bastia - Marseghja. S'è trè accusati ani ricunnisciutu i fatti, vali à dì attruppamentu è viulenzi in riunioni cù o senza incapacità tutali pruvisoria (ITT) di menu d'ottu ghjorni, dui altri negani i listessi fatti. U prucuratori di a Republica aghjuntu Jean Luc Lennon hà dumandatu sei mesi di prighjoni subbitu contr'à unu di l'accusati chì hè in recidiva, quattru mesi di prighjoni subbitu contr'à un antru, trè mesi accunciati contr'à un terzu, sei mesi attimpati accumpagnati da 210 ori di travaghji d'intaressu generali contr'à i dui ultimi. Dinò trè anni d'interdizzioni di stadiu è di tena armi sò stati dumandati contr'à dui accusati è dui anni pà i trè altri. Infini, i parti civili ani dumandatu 4 700 auri di danni è intaressi. Duvariami cunnoscia a sintenza ind'a sirata, a difesa essendu in traccia d'avucà par avà.
Sur le même sujet
