Incidents SC Bastia - OM : six mois de prison ferme contre un supporter bastiais
(A redazzioni d'Alta Frequenza) - Ssu marti, un sustenidori di u SC Bastia di 23 anni hè statu ghjudicatu subbitu da u tribunali currizziunali di Bastia dopu à l'incidenti trà sustenidori è forzi di l'ordini nanzi à a partita trà u club bastiacciu è l'Olympique di Marseghja u 9 d'aostu in Furiani. A sintenza hè stata cumunicata in mità di dopu merzionu : sei mesi di prighjoni subbitu pà attruppamentu, viulenzi senza ITT in riunioni, cù un'arma (barriera in farru) è annant'à un depusitariu di l'autorità publica. L'accusatu hè statu cundannatu dinò à trè anni d'interdizzioni di stadiu è à cinqui anni d'interdizzioni di tena un'arma. Ramintemi chì u prucuratori di a Republica avia dumandatu deci mesi di prighjoni subbitu, cù 1 000 auri d'amenda è trè anni d'interdizzioni di stadiu è di tena un'arma.
Steti à senta a riazzioni di l'avucata di l'accusatu, Rosa Prosperi.
