Incubateur Inizià : gros plan sur la société innovante Inoveli
(A redazzioni d'Alta Frequenza) - Com'è a diciami arimani CAPA hà liatu un partenariatu forti cù Inizià, a sola struttura tarrituriali d'accumpagnamentu di prughjetti di criazioni d'intrapresi, è a cumunità d'agglumerazioni n'hè un membru fundatori. U scopu hè di fà di u sviluppu ecunomicu una priurità di a mandatura. Trè missioni maiò sò stati ritinuti : accumpagnà prughjetti d'innuvazioni, sinsibulisazioni à l'intraprenariatu è à l'innuvazioni inde l'insignamentu superiori eppo accoglia intrapresi chì portani prughjetti d'innuvazioni. C'hè dinò un'ambizioni pà l'avvena, quilla di crià una struttura pà renda più faciuli a criazioni d'intrapresi. Una di i sucità chì hà pussutu apprufittà di l'uppurtunità hè par asempiu INOVELI, chì prisenta un sistema di manechja di cumanda nuvatori par asempiu pà i motò è i scooters. Un'uppurtunità pà ss'intrapresa, chì ùn saria mai cullata à u nivellu di sviluppu simuli senza l'aiutu d'Inizià.
Steti à senta i spiecazioni di Frédéric Vellutini pà INOVELI.
