Inscription de la Corse dans la Constitution: premier rendez-vous à Paris
(A redazzioni d'Alta Frequenza) - Primu appuntamentu in Parighji dopu à u votu di l'Assemblea di Corsica dumandendu a scrizzioni di a Corsica ind'a Custituzioni. Paul Giacobbi è Pierre Chaubon prima, eppo Dominique Bucchini appena dopu, sò stati ricivuti da Manuel Valls, u ministru di l'Internu è da Marylise Lebranchu incaricata di a dicintralisazioni, pà un primu passu ind'a discussioni. Una strada chì sarà longa sicondu u presidenti di u Cunsighju Esecutivu, ma chì inghjinnarà, d'appressu à ellu, a riforma chì a Corsica hà bisognu di cunnoscia. In ssu mentri, ci vularà à "cunvincia" hà dittu Paul Giacobbi, cunvincia u guvernu ma dinò è soprattuttu a raprisintazioni pulitica naziunali pà ghjunghja à un votu pusitivu pà ssa riforma dumandata da a Corsica.
