Inseme per Bastia garde le cap au milieu des remous de la majorité bastiaise
(A redazzioni d'Alta Frequenza) - A basa militanti d'Inseme per Bastia, u gruppu puliticu di Gilles Simeoni in a municipalità è in a CAB, hà prisintatu u so bilanciu dopu à un annu passatu à u puteri. Azzioni suciali, demucrazia participativa, cultura è circulazioni sò i quattru duminii induva cambiamenti significativi sò stati arrighjistrati sicondu Inseme, chì voli tena a so strada diritta pà ciò chì tocca u cuntrattu di mandatura cù Jean Louis Milani è Emmanuelle de Gentili. Ma cosa si passa à a CAB è ancu in u cunsighju municipali, induv'elli sò stati sciappati i ponti cù François Tatti pà raghjoni interni à a gistioni di a merria è di a CAB, ma dinò, ancu s'è l'intarissati ùn mettini micca troppu ss'affari in evidenza, pà mutivi liati à l'avvicinamentu chì si pò risenta trà François Tatti è Paul Giacobbi ? A risposta d'Inseme hè simplici : ùn piattemi micca i prublemi, ma ùn sarani micca un frenu à a dimarchja attuali.
Steti à senta à Joseph Savelli chì volta dinò annant'à i tarrituriali chì venini induv'elli s'aprani perspettivi.
Sur le même sujet
