Intempéries en Corse-du-Sud: les services routiers sur la brèche
(A redazzioni d'Alta Frequenza) - Cundizioni meteurulogichi pessimi : stradi sarrati à a circulazioni - prudenza nant'à a reta stradali. U cumunicatu di stampa diffusatu à a fin di u dopu merzionu da a prifittura di Corsica Suttana hè cortu, ma dà un puntu assai pricisu di a situazioni à 6 ori di sera. Aldilà di l'aspettu sempri assai spettaculariu di una piena maiò, una situazioni chì hè nurmali in Corsica pà tutti quilli chì t'ani appena a mimoria, ci voli à pricisà, ed hè assai impurtanti, chì par avà ùn ci hè nisun nivellu di periculu. Di sicuru, l'acquati assai impurtanti chì ani toccu a Corsica dipoi parechji ghjorni, liati forsa à un fenomenu di timperaturi più dolci impurtanti dinò in muntagna, ani inghjinnatu appena dapartuttu falati di petri, affundamenti, falati di cianga è inundazioni. Ci sò malgradu tuttu punti assai sinsibuli chì ci voli à pricisà : ind'u settori d'Aiacciu, l'accessu à a Cunfina II hè pruibitu, com'è pà a strada di Cuttuli à u nivellu di u ponti. A RD 55 B, strada di Pisciatellu, hè sarrata dinò. Ind'u settori di Sartè, sò i RD 157 è 757 chì sò pruibiti à a circulazioni, u blucchimi essendu à u nivellu di u ponti Caitucoli nant'à a cumuna di Sarra di Farru. A RD 84 à u nivellu di a Bocca di Verghju hè sarrata dinò. Tutti i servizi di succorsi si movini, com'è i servizi stradali di u dipartimentu. Ci voli à intarvena in fatti appena in ogni locu pà assicurà a securità di l'usadori.
Steti à senta à Eric Mouline, direttori di i servizi stradali in Corsica Suttana.
Sur le même sujet
