Intercommunalité : accouchement dans la douleur
(A redazzioni d'Alta Frequenza) - Gilles Simeoni hà adunitu ssu luni à l'Assemblea di Corsica i raprisintanti di l'EPCI, i Stabilimenti Publichi di Cuuperazioni Intercumunali, ma fora di a CAPA è di a CAB, hè impurtanti di pricisalla. C'era in u prugramma di ssa riunioni, torna è sempri si pudaria dì, u prublema difficiuli di u schema dipartimintali di cuuperazioni intercumunali. In fatti, ci ramintemi chì i riunioni scorsi in prifittura di Corsica Suprana è di Corsica si sò passati in un ambienti cumplicatu. I raprisintanti di i cumunità di cumuni attuali in fatti, è sò numarosi, si sò liati contr'à ciò ch'elli stimani essa una dicisioni statali di taglià torna u tarritoriu. A Cullittività tarrituriali di Corsica intarveni solu à u nivellu infurmativu ? Chì sarà u so rollu pricisu inde l'urganisazioni nova ?
Steti à senta à Gilles Simeoni, u presidenti di l'Esecutivu di Corsica.
Sur le même sujet
