Intercommunalité et refus du Grand Bastia : victoire de l'archaïsme pour Michel Rossi
(A redazzioni d'Alta Frequenza) - A ghjumenta era troppu bella, à tal puntu ch'ella hà ricusatu l'ostaculu. Hè cusì ch'è no pudemi riassuma u schjaffu presu da i difensori di u Grandi Bastia. Un schjaffu aspittatu, ma un schjaffu chì faci mali quantunqua, parchì ssu ricusu di a CDCI di fà una fusioni com'è privista in u pianu di u prifettu a Cumunità d'Agglumerazioni di Bastia à a parti a più maiò di a cumunità di cumuni di Marana Golu custituisci una scunfitta pà i difensori di ssu Grandi Bastia, chì pudaria essa apparagunatu à a CAPA à u nivellu di a superficia è di a pupulazioni. Certi difensori di a fusioni sò franchi è chjari, com'è u merri di E Ville di Petrabugnu, Michel Rossi, chì com'è sempri senza alzà troppu a voci, adopra parolli putenti pà dì tuttu ciò ch'ellu pensa di quilli chì ani fattu fiascà una riforma chì avaria avutu com'è vantaghju dinò di parmetta à a maghjurità di a CAB di caccià à François fora da a presidenza.
Steti à senta à Michel Rossi.
Sur le même sujet
