Intercommunalité : le Grand Bastia restera un vœu pieux
(A redazzioni d'Alta Frequenza) - Un prughjettu rimissu nentru à i cartoni o lampatu in a rumenzula, pocu impremi l’intarpritazioni, hè u listessu risultatu : u grandi Bastia, ùn hè micca pà dumani ! Eccu u risultatu di a siconda riunioni di a CDCI in Corsica Suprana, chì decidi di i novi cuntorni di l’intercumunalità. À mezu ad altri cartulari, hè bè quissu quì chì sarà statu discorsu u più da i membri di a cumissioni. È sò i difensori di u sicondu amendamentu chì sò stati intesi da vintinovi voti nant’à i quaranta membri di a cumissioni, un votu à manu pisata, setti membri solu di a cumissioni ani dumandatu un votu cù un bigliettinu sicretu, ma ci ni saria vulsutu ottu. Di fattu, ss’amendamentu, purtatu da a merri di Borgu, Anne Marie Natali, t’hà com’è scopu di tena tali è quali ciò chì asisti pà ciò chì tocca i tarritorii di a Cumunità d’Agglumerazioni di Bastia è di l’intercumunalità di Marana è Golu, cù mostri nentru com’è Biguglia, Borgu o Lucciana.
Sur le même sujet
