Interdiction d'emploi du feu : le préfet de Corse s'exprime
(A redazzioni d'Alta Frequenza) - Cù a calata di a forza di u ventu, a timpesta di focu s'hè calmata pà daveru in Corsica Suttana, è par asempiu in a Parata induva tuttu ognunu pensa ch'ellu s'hè passatu vicinu à una vera catastrofa. A superficia parcorsa da i fiari, à pocu pressu 35 ettari, ferma abbastanza mudesta, ma hè u carattaru periculosu di ssu focu chì hà inchietatu assai i puteri publichi. U Grandi Situ di a Parata di sicuru, ma dinò tuttu i lochi di vegetazioni sopra à Aiacciu sò stati in periculu par via di ssu focu di manera putenziali, ciò chì spiega a missa in ballu assai prestu stamani di un dispusitivu assai impurtanti. Laurent Marcangeli, u merri d'Aiacciu, era prisenti ben intesu; hè statu assai toccu da i disguasti inghjinnati annant'à ssu situ impurtanti pà a cità. Christophe Mirmand era quì dinò; hà ditagliatu u dispusitivu missu in ballu pà pudè ammaistrà i fiari. U prifettu di Corsica hè statu alertatu dinò annant'à i famosi arresti prifitturali chì dipoi parechji ghjorni pruibiscini l'usu tutali di u focu è chì ùn sò mancu appena rispittati da parsoni numarosi.
Steti à senta à Christophe Mirmand.
Sur le même sujet
