Intrattenu cù Charles Giacomi, numaru unu di a lista Front National pà i tarrituriali
(Maria Lanfranchi - Alta Frequenza) - A ricunciliazioni : hè à què ch'ella si voli arrimbà a lista Front National Rassemblement Bleu Marine pà a so campagna di i tarrituriali. A lista sarà purtata da Charles Giacomi, u merri di Prunu. Stimendu frà altru chì a maghjurità tarrituriali attuali hà fiascatu, par asempiu nant'à i cartulari ecunomichi, u Front National voli purtà una campagna cù à tempu rivindicazioni naziunali è prublematichi regiunali. U muvimentu stima ch'ellu c'hè bisognu à dà torna puteri à i cumuni in uppusizioni à quillu di l'intercumunalità.
Steti à senta à Charles Giacomi, numaru unu di a lista Front National pà i tarrituriali.
Sur le même sujet
