Investiture PRG aux municipales de Bastia: les précisions du Bureau National
(A redazzioni d'Alta Frequenza) - U Scagnu Naziunali di u Partitu Radicali di Manca faci sapè chì nant'à una pruposta di a Cumissioni di Cunciliazioni adunita ssu marcuri, chì hà ricivutu à François Tatti, è u presidenti di u PRG 2B Alex Alessandrini, hà dicisu di sceglia à Jean Zuccarelli com'è numaru unu di a lista ufficiali PRG à l'alizzioni municipali di u 2014 in Bastia, in leia cù i risultati di i primarii urganizati calchì settimana fà. U scagnu dumanda à François Tatti, candidatu dissidenti à i municipali, di "rispittà ind'a so sprissioni publica com'è inde l'eserciziu di i so mandati a dicisioni di u Scagnu Naziunali di u PRG". Quissu quì priciseghja infini chì una dilegazioni sarà mandata in Bastia pà "cunvincia à François Tatti di rispittà a dicisioni di u BN nanzi chì a so sclusioni sighi prununziata".
Sur le même sujet
