Jacky Padovani favorable à la création d'un RER pour gérer le trafic péri-urbain au sud de Bastia
(A redazzioni d'Alta Frequenza) - I Camini di Farru di a Corsica sò oramai inde una Sucità d'Ecunumia Mista chì pighjarà effettu à partasi da u prima di ghjinnaghju è di u quali u primu presidenti hè Michel Stefani. A sapemi dinò, aldilià di a Cullettività di Corsica participeghjani à sta SEM, i dui dipartimenti, i dui grandi cumunità d'agglumerazioni, ma dinò i Camati di Cumerciu è a SNCF. L'attribuzioni di soldi pà tutti issi strutturi, fora di a SNCF, hè piuttostu mudesta, 60 000 auri par omu, ma u fattu d'integrà issa furmazioni hà fattu nascia quantunqua inchietudini. Si sà chì i Camini di Farru di a Corsica ùn pni fà guadagnà soldi, u raportu trà i ricetti è i spesi essendu in fatti da 1 à 10 è chì dunqua solamenti a suvvenzioni di a Cullettività di Corsica parmittarà d'equilibrià u bughjettu. Jacky Padovani raprisenta a Cumunità d'agglumerazioni di Bastia inde a SEM di i Camini di Farru di a Corsica. D'appressu à ellu, u trafficu periurbanu à u meziornu di Bastia, viaghja, ma pudaria viaghjà ancu meghju, parchì chì a mancanza di posti hè un'evidenza. Unica suluzioni à parè soiu : a criazioni di un veru RER.
Écoutez Jacky Padovani, pour la CAB.
