Jardins de l'Empereur : Manuel Valls affirme sa fermeté et prend acte de la condamnation des nationalistes
Jardins de l'Empereur : Manuel Valls affirme sa fermeté et prendre acte de la condamnation des nationalistes
(A redazzioni d'Alta Frequenza) - In un'intervista accurdata in u ghjurnali Le Parisien oghji (marcuri), u Primu ministru Manuel Valls hà riagitu dopu à i viulenzi in Aiacciu in tempi di Natali in u quartieru di i Jardins de l'Empereur. U Primu ministru hà ramintatu chì "a Corsica ùn hè micca una zona d'illegalità" è chì "u Statu ùn rincularà mai". "Tutti l'autori, ch'ella sighi di a trappula o di i disguasti, sarani, ùn ni dubbiteti micca, identificati è prisintati à a ghjustizia", hà dittu Manuel Valls. "Fà cascà i spinghjifochi è quilli chì raprisentani l'ordini republicanu in una trappula (...) hè un attu intularabili. I ditti azzioni razzisti è contr'à i musulmani pà vindicassi, rializati da ghjenti chì si volini fà ghjustizia da par elli a sò dinò. Ss'atti indegni feriscini a Republica", dici Manuel Valls. Da un'antra banda, ss'ultimu dici ch'ellu ùn voli fà nisun prucessu d'intenzioni à i naziunalisti eletti pocu fà à l'assemblea di Corsica, pighjendu a misura chì "ssi fatti chì ùn poni essa accittati sò stati cundannati cù forza da u presidenti di u cunsighju esecutivu è u presidenti di l'Assemblea di Corsica". Manuel Valls hà cunfirmatu ch'ellu ghjunghjarà in Corsica in u primu simestru di l'annata è hà ramintatu i sciffri chì calani sempri di più di u numaru d'attentati è d'umicidii nant'à l'isula.
Sur le même sujet
