Jardins de l'Empereur : pas d'enquêtes différenciées
(A redazzioni d'Alta Frequenza) - Gilles Clavreul, u dilegatu interministiriali à a lotta contr'à u razzisimu è l'antisemitisimu, era in visita ssu luni in Aiacciu. Mandatu da u guvernu, era ghjuntu pà stallà in Corsica Suttana u CORA, u cumitatu uparaziunali di lotta contr'à u razzisimu è l'antisemitisimu. U prucuratori di a Republica d'Aiacciu era di sicuru prisenti pà a missa in ballu di ssu cumitatu. Ramintemi chì dopu à l'incidenti gravi di a fin di l'annu in i Jardins de l'Empereur, porta dui inchiesti pà ditarminà da una banda i rispunsabilità pà l'agressioni contr'à i spinghjifochi, è da un'antra banda di truvà i rispunsevuli di l'evenimenti difficiuli chì sò stati inghjinnati. S'è di manera regulari in a stampa, si custata l'avanzata di l'inchiesta nant'à l'incidenti di a notti di Natali, parechji missi in asamini sò dighjà stati prununziati, si senti dì dinò chì l'altra inchiesta, ella, ùn cresci micca. Una dumanda à quali u prucuratori di a Republica d'Aiacciu hà rispostu vulinteri.
Steti à senta à Eric Bouillard.
Sur le même sujet
