Jean-Bastien Risson installé à la présidence du Tribunal de Grande Instance de Bastia
(A redazzioni d'Alta Frequenza) - Cù cinqui altri magistrati è una greffiera, u novu presidenti di u Tribunali di Grandi Istanza di Bastia, Jean Bastien Risson, hè statu stallatu ssu ghjovi in Bastia. À trentasetti anni, quillu chì hè cugnumatu Yes We Can in u mistieru, hà prununziatu un'infrasata in corsu in u so discorsu, "sò cuntentu cum'è un pichju". Ci voli à dì chì u so prima postu era statu quillu di ghjudici di struzzioni in Aiacciu à a fini di a prima dicennia di l'annati 2000, cù frà altru l'affari di i yachts arrubati, chì avia vistu a famighja Ben Ali inchietata fin'è in Tunisia. Filici di ritruvà a Corsica è i so spicificità, ùn s'hè micca fattu prigà pà criticà u presidenti di a Republica, François Hollande, dopu u so discorsu contr'à a magistratura, amintati in un libru d'intratteni.
Steti à senta à Jean Bastien Risson, presidenti di u Tribunali di Grandi Istanza di Bastia.
Sur le même sujet
